BURREL
Një aksident me pasojë një të vdekur ka ndodhur mbrëmjen e sotme në aksin rrugor Burrel-Skuraj, në vendin e quajtur Shkopet.
Një mjet ka dalë nga rruga dhe ka përfunduar në humnerë. Si pasojë e aksidentit ka humbur jetën drejtuesi i mjetit, K.B. 50 vjeç, banues në Ulëz.
Forca policie në vendngjarje kanë nisur hetimet.
Njoftimi nga policia:
Sot, rreth orës 18:00, në aksin rrugor Burrel – Skuraj , në dalje të tunelit të Shkopetit, mjeti tip Benz i drejtuar nga shtetasi K.B. 50 vjeç, banues në Ulëz, ka dalë nga rruga duke rënë në greminë.
Për pasojë ka humbur jetën drejtuesi i mjetit, i cili ndodhej i vetëm në mjet.
Grupi hetimor nën drejtimin e Prokurorisë po kryejnë veprimet në vendngjarje për zbardhjen e plotë të shkaqeve të aksidentit.
(d.d/BalkanWeb)
