Presidenti i Republikës së Kosovës, Hashim Thaçi, në seancën e Këshillit të Sigurimit të Kombeve të Bashkuara, ka deklaruar se kjo është një mbledhje që zhvillohet pas dy dekada pas luftës së përgjakshme dhe dhjetë vite pas pavarësisë së Kosovës.
“Jemi thirrur në një seancë të jashtëzakonshme kur jemi në një gjendje krejt normale në Kosovë. Asgjë e jashtëzakonshme nuk ka ndodhur në Kosovë javën e kaluar. Ajo që ka ndodhur është një vendim krejt normal, në mision dhe qëllim. Nëse Kosova ka bërë gabim, është se ka pritur pesë vite pa nevojë për themelimin e ushtrisë. Vendimi për ushtrinë është i vonuar, dhe assesi i gabuar. Është i vonuar sepse kemi pritur vullnet të mirë nga ata që kurrë nderi më tani, nuk e treguan në raport me Kosovën. Më thoni ju lutemi çka ka të jashtëzakonshme këtu, nuk ka asgjë fare të jashtëzakonshme”.
Sipas tij, transformimi i FSK-së në Ushtri, nuk është bërë në kundërshtim as të Rezolutës 1244, as Pakos së Ahtisarit dhe as me vendimin e Gjykatës Ndërkombëtare të Drejtësisë.
Gjithahstu në fjalën e tij Thaçi është shprehu se shteti i Serbisë është paraqitur i zemëruar por jo edhe qytetarët serbët të Kosovës.
“Në cilësinë e presidentit dhe komandantit suprem, them se ushtria do të sjellë paqe dhe stabilitet. Nuk është veprim që e kemi ndërmarrë ndaj dikujt. Ajo do të jetë profesionale dhe shumetnike. Mbi 10 për qind janë nga komunitetet jo shumicë, serbë, turq, shkali, romë… Një forcë e cila do të mbrojë çdo qytetar të Kosovës, çdo fëmijë, çdo të ri, pavarësisht gjuhës që ata flasin në shtëpi”.
