“1 Qershori” mblodhi në pedonalen e qytetit të Beratit qindra fëmijë të çdo moshe, që të shoqëruar nga prindër e familjarë shijuan mbrëmjen festive të organizuar nga bashkia e qytetit. Për rreth 2 orë fëmijët u argëtuan me këngë, valle e shfaqe me kukulla, të përgatitura me aq mjeshtëri nga Qendra Kulturore e qytetit dhe aktorët e trupës së Teatrit të Kukullave.

Pjesë e kësaj mbrëmje festive ishin edhe animatorët që të veshur si klounë, por edhe si personazhe filmash vizatimor argëtuan fëmijët. Këngët për fëmijë dhe vallet e interpretuara nga vetë fëmijët, të veshur me kostume popullore, ndezën flakë atmosferën e mbrëmjes së sotme në qendrën e qytetit.

Përveç këngëve, valleve dhe shfaqjeve teatrale, përgjatë pedonales së qytetit, banorët mundën të shijonin edhe një ekspozitë me piktura nga lagjet muzeale si dhe një panair me punimeve artizanale.

Subscribe kanalin tonë në Youtube për të mos humbur asnjë video të re