“Më mirë është vajza, por ndërhyrjen e ka të nevojshme. Ne i falenderojmë të gjithë shqiptarët që dhanë për vajzën tonë, që kontribuan për të. Ky është operacioni i tretë”
Janë fjalët e një babai që ka derdhur lot dhe ka bërë gjithçka për të bijën, Megin. 12 vjeçarja çalonte prej dy vitesh dhe dhimbjet e këmbës nuk e linin të shkonte as në shkollë. Shkëlzeni bëri gjithçka mundi për ta shpëtuar vajzën e saj, por orvatjet e tij ishin të pamjaftueshme për t’u përballur me faturën e kripur që duhej të paguante për operimet e të bijës.
Historia e familjes Aliu u përcoll në emisionin “Shqiptarët për Shqiptarët” disa javë më parë, me shpresën se do të mblidhej shuma e nevojshme për operimet e Megit, vajzës nga Thumana. 12 vjeçarja rrezikonte të mbetej e paralizuar, por falë bamirësve, ndodhi krejt ndryshe
Megi hyri në dy operimet e para dhe gjithçka shkoi mirë. Pas një periudhë rekuperimi, erdhi sërish momenti për të shkuar në sallën e operimit. Operimi i tretë dhe i fundit.
Nëna, babai e familjarët e Megit përballen sërish me ato momente të vështira, kur do duhet ta shohin vajzën e tyre të largohet drejt sallës së operimit.
Shikoni në këtë klip të shkurtër, momentin kur Megi del nga salla
