Gjyqtari Durim Kadiu ka humbur betejën me koronavirusin, pas disa javësh i infektuar nga virusi.

Lajmin e ka bërë të ditur miku i tij Kastriot Dervishi i cili shkruan se nuk mund ta besojë vdekjen e mikut të tij.

Një mesazh ngushëllimi ka shkruar edhe Gjykata e Lartë që thekson se ndarja e tij nga jeta ka trishtuar shumë bashkëpunëtorë të tij në Gjykatën e Lartë.

“Z. Kadiu ka ushtruar detyrën e gjyqtarit prej vitit 1994, ka drejtuar Gjykatën e Rrethit Gjyqësor Kavajë, Kabinetin e Kryetarit të Gjykatës Kushtetuese dhe vitet e fundit ka punuar si ndihmësmagjistrat në Gjykatën e Lartë.

Ndarja e tij nga jeta, ka trishtuar shumë bashkëpunëtorë të tij, kolegë e miq në Gjykatën e Lartë.”, thuhet në postimin e Gjykatës në rrjetin social Facebook.

Subscribe kanalin tonë në Youtube për të mos humbur asnjë video të re