20 ndërhyrje kishte bërë Deani i vogël, ende pa i mbushur 10 vjeç. Falë reagimit të jashtëzakonshëm të shqiptarëve, Deani u nis drejt një prej spitaleve më të mira në Itali për të kryer dy ndërhyrje për t’i shpëtuar vdekjes.

Nëna e babai i Deanit dhanë në emisionin “Shqiptarët për Shqiptarët” lajmin e bukur se Deani ka kryer me sukses operimin e parë, për rindërtimin e rrugëve urinare. Tashmë vogëlushin e pret ndërhyrja për transplantin e veshkës, ku dhurues do të jetë babai i tij.

Përmes një video mesazhi, nëna e babai i Deanit nuk kanë fjalë për të falenderuar ata mijëra shqiptarë, që derdhën lot për 9 vjeçarin dhe bënë të mundur që ai të hynte në rrugën e shërimit.

Nëna: Jemi tek spitali ‘Bambino Gesu’ ne Romë. Deani bëri ndërhyrjen e parë, doli me sukses. Falenderojmë të gjithë shqiptarët që kontribuan për Deanin, Elvisin, Sidritin dhe të gjithë stafin e emisionit “Shqiptarët për Shqiptarët”. Jemi shumë të gëzuar që Deani e kaloi me sukses operacionin.

Babai: Falenderojmë të gjithë shqiptarët, stafin e emisionit. Jemi shumë të gëzuar, se morëm një lajm shumë të mirë për djalin. Ju duam pa masë, faleminderit.

Subscribe kanalin tonë në Youtube për të mos humbur asnjë video të re