A keni pasur ndonjëherë një mike, e cila tha se i dashuri juaj ishte dështak, dhe më pas flirtoi me të disa ditë pasi u ndatë? Apo ajo që ishte fshehurazi e trishtuar kur pate një sukses dhe e lumtur kur dështove? Nëse përgjigjja juaj është po, ju keni qenë duke u marrë me një mike ambivalente, ose e thënë thjesht, një “dyfytyrshe”.
Jeta me “shoqet apo shokët për interes” mund të jetë e vështirë, dhe këtu kemi mësuar se kush janë këta miq të rremë, kështu që ne mund t’ju tregojmë se si t’i dalloni ato në rrethin tuaj shoqëror.
Kush janë “miqtë e rremë” dhe si mund të prishin shëndetin tuaj fizik dhe mendor.
Shokë ambivalent, ose frenemies, janë njerëz që pretendojnë të jenë miqtë tuaj, por në të vërtetë janë ziliqarë për ju (frenemy = mik + armik). Këta janë njerëz nga rrethi juaj i ngushtë shoqëror, dhe mund të përfshijnë miqtë tuaj, kolegët, apo edhe ndonjë nga familja juaj. Ka disa shenja që ju mund të kërkoni që tregojnë se keni të bëni me një mike për interes, dhe ato janë:
Një shoqe për interes nuk është e lumtur kur ti korr sukses.
Ato janë të lumtura kur humbni dhe janë xheloze për gjërat që keni arritur.
Ato ju dëmtojnë dhe ju lëndojnë me fjalët ose veprimet e tyre.
Ato i thonë gjërat pas shpinës.
Ato mund t’ju thonë gjëra të mira, por shprehja e fytyrës dhe gjestet e tyre nuk përputhen me fjalët e tyre.
Ata ju fajësojnë për dështimet e tyre: “Unë nuk do të kisha bërë këtë, nëse ti nuk do të kishe bërë atë.”
Ata gjejnë mënyra pasive-agresive për të lënduar ndjenjat tuaja. Për shembull, ato mund të lavdërojnë dikë tjetër që t’ju lëndojnë ju.
Komplimentet e tyre duket se janë të këndshme, por, në të vërtetë, ato janë me kuptim: “E shikon se nuk je i/e keq/e kur dëshiron”.
Ata nuk i pëlqejnë postimet dhe statuset tuaja në mediat sociale, ose i komentojnë ato në mënyrë negative. Por ata kurrë nuk do të humbasin një mundësi për t’ju azhurnuar me arritjet e tyre.
Ata bëjnë gabime të qëllimshme për t’ju vendosur ju në një situatë të sikletshme.
Shumë prej nesh mund ta mendojnë të paktën një mik të tillë në rrethinën tonë. Por edhe pse të kesh një mike të rreme duket diçka normale, nuk është aq e pafajshme. Të kesh një mik të rremë në jetën tënde mund të rrisë nivelin e stresit që përjeton, duke dëmtuar kështu shëndetin tuaj fizik dhe mendor. Disa studime kanë vërtetuar, për shembull, se kontakti me miq të rremë mund të rrisë presionin e gjakut, rrahjet e zemrës dhe nivelin e ankthit.
Në këtë lloj marrëdhënieje, nuk e dini kurrë nëse mund t’i besoni personit apo jo. A do t’ju mbështesin kur keni nevojë për një ndihmë apo do t’ju godasin me thikë pas shpinë? Xhelozia dhe zilia që janë baza e kësaj miqësie të rreme shkatërrojnë çdo shans për respekt, besim dhe dashuri midis 2 personave.
Pra, nëse e kuptoni se njëri nga miqtë tuaj është në të vërtetë një armik, është koha të mendoni për të ardhmen e marrëdhënies tuaj.
Si të përballeni me një mike ambivalente dhe t’i jepni fund marrëdhënieve toksike
Bisedoni. Shprehni me guxim atë që keni parë tek manipulimet e tyre dhe se jeni lodhur me këtë sjellje. Jini të sinqertë dhe mos kini frikë se kjo bisedë mund të çojë në një ndarje. Ndonjëherë ndarja është opsioni i vetëm.
Bëni pushim. Marrëdhëniet romantike ndonjëherë kanë nevojë për pushim, dhe kështu ndosh edhe me miqësitë, veçanërisht kur bëhen të vështira. Një pushim do të lejojë që të dy të qetësoheni dhe të rivlerësoni marrëdhënien tuaj.
Distancojeni veten avash. Nëse keni frikë nga një bisedë e sinqertë, mund të vendosni ngadalë një distancë kohore dhe hapësinore midis jush. Për ta bërë këtë, mund të filloni të shkruani në vend që të telefononi, të merrni një kohë më të gjatë për t’u përgjigjur dhe të përgjigjeni me mesazhe më të shkurtra. Ju gjithashtu mund të jeni shumë zënë për t’u takuar personalisht.
Mbajini sekret arritjet tuaja. Mos i jepni mikut tuaj të rremë shumë arsye për të qenë xheloz. Kufizoni aksesin e tyre në informacionin e lidhur me planet, qëllimet dhe fitoret tuaja.
Fshihni azhurnimet e tyre në mediat sociale.
Rishikoni marrëdhënien tuaj nëse miku juaj i rremë është një person i rëndësishëm në jetën tuaj dhe, për ndonjë arsye, ju nuk dëshironi ose nuk mund të shkëputeni me ta. Mundohuni të zbuloni nëse zilia dhe konkurrenca mund të jenë të mira për ju dhe mund t’ju stimulojnë drejt arritjeve të mëtejshme. Nëse ky është rasti, atëherë mos i merrni fjalët dhe veprimet e mikut tuaj të rremë shumë personalisht dhe përpiquni të shikoni në anën e mirë të situatës.
Ja një gjë më e rëndësishme. Edhe nëse nuk e kuptojmë, herë pas here, ne vetë mund të jemi një mik i rremë për dikë tjetër. Pra, pasi të keni mbaruar së shikuari në rrethin tuaj të ngushtë në kërkim të miqve të rremë, bëjini vetes një pyetje: “A jam një shoqe e mirë?”
/shkollaesuksesit.com
