Vdekjet e para nga epidemia e koronavirusit Wuhan jashtë Kinës janë raportuar në Filipine, ku ndërroi jetë një 44-vjeçar.
Autoritetet filipinasë thanë që burri vdiq pas një pneumonie të rëndë, rezultati i parë fatal i koronavirusit i raportuar në më shumë se 20 vende përveç Kinës.
Në Kinë, të shtunën u raportuan 46 vdekje të reja, e të gjitha ndodhën në Hubei, kryeqyteti Wuhan-it, duke e çuar numrin e jetëve të humbura në 305 në Kinë, me 14.568 të infektuar.
Përfshirë këtë përfundim fatal, në Filipine u zbuluan gjithsej dy raste të infeksionit koronavirus. Rastet e para të sëmundjes u raportuan gjithashtu nga Mbretëria e Bashkuar, Rusia, Suedia dhe Spanja, ndërsa në nga SHBA u raportua i infektuari i tetë.
Organizata Botërore e Shëndetit (OBSH) shpalli një urgjencë globale të enjten për shkak të përhapjes së koronavirusit edhe jashtë Kinës.