Konsullja shqiptare në Milano, Anila Pojani, në një lidhje direkte me emisionin “Real Story”, ka deklaruar se një grua shqiptare me origjinë nga qyteti i Durrësit, ka humbur jetën ditën e djeshme në Itali.
Gruaja, emri i të cilës nuk bëhet i ditur, ka pësuar arrest kardiak dhe ka qenë e infektuar me koronavirus.
“Jemi kontaktuar nga një agjensi funebre dhe kur kemi shqyrtuar dokumentacionin, kemi konstatuar që qytetarja nga Durrësi, ka ndërruar jetë, për shkak të arrestit kardio-respirator dhe ka rezultuar e infektuar me koronavirus.
Kemi kontaktuar të afërmit ë saj, të cilët janë gjithashtu në karantinë”, u shpreh Konsullja.
Deri më tani në Shqipëri rezultojnë të infektuar me koronavirus dy persona, të cilët po marrin mjekim në spitalin Infektiv.
Qeveria ka njoftuar mbylljen e institucioneve arsimore dhe ka bërë thirrje që qytetarët të aplikojnë masa të higjenës personale, veçanërisht larjen e duarve.
Gjithashtu, janë anulluar dhjetëra fluturime në drejtim të Italisë.
/TPZ.al/