Presidenti rus Vladimir Putin të martën miratoi ndryshimet kushtetuese që do t’i lejojnë atij të mbetet në pushtet deri në vitin 2036.
Putin, i cili njoftoi ndryshime të mëdha në politikën ruse dhe Kushtetutën në janar, do të duhet të tërhiqet si president në 2024 sipas rregulloreve aktuale kushtetuese kur të përfundojë mandati i tij i dytë radhazi presidencial.
Duke iu drejtuar Duma-s, dhoma e ulët e parlamentit, ai dha miratimin e tij për një propozim për ndryshime në Kushtetutë që do të zhvlerësonte mandatin e tij të mëparshëm presidencial, i cili do t’i lejonte atij të kandidojë në zgjedhjet e ardhshme, raportoi Reuters.
Ai tha se ish-Presidenti amerikan Franklin D. Roosevelt, i cili vuajti paqëndrueshmërinë që sundonte vendin e tij në atë kohë, ishte një shembull pse kufizimet në kushtet presidenciale ishin ndonjëherë të tepërta.
Një ish zyrtar i KGB-së, Putin ka ushtruar gjithsej katër mandate presidenciale, duke përfshirë dhe ato si kryeministër, duke dominuar kështu peizazhin politik rus për dy dekada.
Me ndryshimet më të fundit në Kushtetutë, nëse zbatohen, Putini mund të qëndrojë në detyrë deri në vitin 2036, ose dy mandatetë njëpasnjëshme 6-vjeçare, që do të thotë se do t’i jepte fund mbretërimit të tij në moshën 83 vjeç.
Presidenti çeçen Ramzan Kadirov ishte ndër të parët që mbështeti ndryshimet në Kushtetutën e Federatës Ruse për të lejuar presidentin në detyrë të kandidojë në zgjedhjet e ardhshme.
“Ju nuk mund, nën asnjë pretekst, të ruani kufirin aktual në mandatin presidencial. Nëse duam të jetojmë në një vend të fuqishëm dhe një shoqëri të qëndrueshme, ju duhet të bëni ndryshime dhe të lejoni presidentin aktual të kandidojë në zgjedhjet e reja pas reformës kushtetuese. Dhe në zgjedhje, njerëzit do të mbështesin Vladimir Putin”, shkroi Kadyrov.
