Edhe Bashkia e Durrësit ka vendosur të pezullojë transportin publik pa afat. Një masë e tillë drastike u mor në kuadër të mbrojtjes kundër koronavirusit.
“Prej orës 08.00 të datës 12 mars, këto linja do të ndërpriten deri në një njoftim të dytë:
– Shërbimi i transportit qytetas -linjat brenda qytetit të Durrësit
– Shërbimi i transportit rrethqytetas, -linjat që lidhin qytetin me njësitë administrative ish-komuna
– Shërbimi i transportit ndërqytetas ushqyes -linjat që lidhin bashkinë Durrës me bashkinë e Krujës dhe bashkinë e Shijakut.”
Të mërkurën edhe Bashkia Tiranë njoftoi një masë të ngjashme, duke pezulluar po ashtu pa afat linjat brenda Tiranës, linjat që lidhin Tiranën me komunat dhe ish-njësitë administrative si edhe linjat që lidhin Tiranën me Bashkinë Kamëz e Bashkinë Vorë.