Një lajm i keq vjen nga Greqia. Burime të siguruara bëjnë me dije se mbrëmjen e të mërkurës ka ndërruar jetë nga COVID-19 mësuesi grek i shkollës “Omiros” në Korçë.
Mësuesi nga Kosturi u tha se për shumë ditë ka qenë i vetëkarantinuar në banesën e tij në Kostur, por më vonë mësohet të jetë shtruar në një nga spitalet e Selanikut aty ku një natë më parë ka gjetur vdekjen.
Pas diagnostikimit të mësuesit me COVID-19, të gjithë personat e kontaktit me të janë vetëkarantinuar për 14 ditë në banesat e tyre dhe për fat të mirë deri tani nuk ka pasur asnjë rast tjetër nga kjo shkollë me më shumë se 400 nxënës.