Presidenti Ilir Meta apleoi qeverinë që të bëjë më shumë përpjekje për të mbështetur biznesin për të kaluar periudhën e krizës. Thirrjen kreu i shtetit e bëri në “Facebook”, teksa shpërndau një shkrim të ish-zëvendësministres së Financave, Irena Beqiraj, për të njëjtën çështje.
“Ndërsa duhet rritur efikasiteti i përpjekjeve për mbajtjen nën kontroll të pandemisë në mënyrë që të mos shkojnë dëm sakrificat e deritanishme, është e qartë se duhen shtuar në mënyrën më përfshirëse dhe pozitive përpjekjet për të mbështetur biznesin për të lehtësuar kostot e mbijetesës dhe vazhdimësisë të tij në këto momente.”
Kryeministri Edi Rama ka premtuar pagë lufte për bizneset që kanë ulur qepenët për shkak të pandemisë.
