Në Kosovë janë konfirmuar 32 raste të reja me Covid-19, duke e çuar në total 763 numrin e të prekurve. IKSHPK njofton se 1 person është shëruar.
Të infektuarit janë raste kontakti dhe vijnë nga këto vendbanime në Kosovë: Rastet pozitive janë raste kontakti, njëzet e tre (23) raste nga komuna e Pejës (sipas vendbanimit: katërmbëdhjetë (14) raste Pejë, pesë (5) raste Nakëll dhe katër (4) raste Bllagajë), katër (4) raste me vendbanim në Runjevë-Kaçanik, dy (2) raste me vendbanim në Strellc i epërm-Deçan dhe me nga një (1) rast vendbanimet: Hoçë e Qytetit-Prizren, Sallagrazhdë-Suharekë dhe Shtime.
IKSHPK bën thirrje që të zbatohen rekomandimet që sa më shpejt të dilet nga kjo situatë.