Të mbetur pa zgjidhje pas mbylljes së tregut për shkak të masave ndaj epidemisë, tregtaret në Lezhë zhvilluan një tjetër protestë dhe kërkuan takim me përfaqësuesit e bashkisë këtë të martë.
Tregtaret thonë se janë taksapagues të rregullt dhe bashkia në koordinim me pronarin e tregut duhet të marrin masa për krijimin e kushteve për mbrojtjen nga koronavirusi.Sipas tregtareve kjo situatë po ju vështireson jetesen, pasi nuk kanë asnjë mundësi tjeter të jetuarit.
Në mbështetje të tregtareve ishte edhe ish-deputetja e Partisë Demokratike Lindita Metaliaj, e cila i kërkoi bashkisë të krijojë kushtet dhe të hapet sa më parë tregu.
Tregu i lire i qytetit të Lezhës u mbyll me urdher të Bashkisë Lezhë 1 javë më parë, për shkak të mungeses së masave mbrojtëse për mbrojtjen nga koronavirusi.