Pas një “pezullimi” për shkak të pandemisë së koronavirusit, trupat ushtarake shqiptare kanë do t’i rikthehen misioneve nëpër botë, si pjesë e trupave të NATO-s. Ministrja e Mbrojtjes, Olta Xhaçka me anë të një postimi në Facebook shkruan se trupat e Forcave të Armatosura pavarësisht situatës nuk e kanë ndërprerë stërvitjen e tyre.
Ndërsa ka paralajmëruar se për herë të parë trupat e FA-së do të shërbejnë në Kosovë në kuadër të KFOR-it. Shqipëria ka pasur misione ushtarake më parë në ombrellën e KFOR-it, por jo në të tilla nivele. Ndërsa pritet që të dërgohen trupa ushtarake në Afganistan.
“Në këtë periudhë pandemie, Forcat e Armatosura jo vetëm që nuk e kanë ulur ritmin e aktiviteteve, por kanë qenë më të angazhuara se kurrë. Stërvitjet kanë vijuar, sidomos për trupat e kontingjenteve të reja që do të nisen muajin e ardhshëm në misionet jashtë vendit dhe po trajnohen për të shërbyer nën masat kundër COVID-19. Forca Tokësore do të dërgojë një togë nga batalioni i Poshnjes për të shërbyer në misionin e NATO-s në Afganistan. Për herë të parë një ekip Komando do të shërbejë në KFOR në Kosovë”, shkruan Xhaçka.