Teatri Kombëtar u shemb me nxitim, por Bashkia nuk ka lekë për të ndërtuar të riun. “Por qeveria do i nxjerrë nga dheu paratë për Teatrin e ri Kombëtar”. Kështu deklaroi sot Ministri për Rindërtimin dhe njëherazi ministri përgjegjës për situatën ekonomike, gjatë kësaj periudhe të vështirë të koronavirusit Arben Ahmetaj i cili ka folur edhe për çështjen e Teatrit Kombëtar në News24.
Referuar letrës së kryebashkiaku të Tiranës për 30 mln euro për Teatrin, Ahmetaj deklaroi:
“Teatri i ri do jetë obelisk i kulturës shqiptare dhe i ndërthurur me kulturën ndërkombëtare moderne. Siç shumë kujt nuk i ka ardhur mirë kur paratë i kemi nxjerrë nga dheu, do t’i nxjerrim nga dheu nëse s’i kemi. Bota financiare funksionon me kredi, me të ardhurat e veta, me financim”, deklaroi Ahmetaj.