Në Gjirokastër janë konfirmuar pesë raste të reja me koronavirus gjatë 24 orëve të fundit.
Abc News raporton se rastet e reja janë familjarë, dhe kontakte të afërta të pedagoges, e cila doli pozitive dy ditë më parë.
Mësohet se janë infektuar bashkëshorti, dy fëmijët, nipi dhe një tjetër pedagoge e fakultetit të Ekonomisë.
Ndërkaq, departamenti ku ka dhënë mësim pedagogia është mbyllur.
Prej javësh situata nga koronavirusi në vend vijon të jetë e rënduar. Vetëm ditën e djeshme ministria e Shëndetësisë konfirmoi 90 raste dhe dy humbje jete tek spitali Infektiv.