Policia Rrugor ka vendosur pika kontrolli në akset rrugore që të çojnë drejt Kakavijës për t’i kërkuar qytetarëve të kthehen mbrapsht.
Me gjithë masat e marra për normalizimin e gjendjes në pikat e kalimit kufitar me Greqinë, gjendja mbetet ende problematike.
Gazetarja e Fax News Ervina Shehaj raporton se në Kakavijë kolona e automjeteve i ka kaluar 20 km. Kjo ka bërë që autoritetet të kërkojnë kthimin e qytetarëve për në shtëpitë e tyre, pasi kalimi drejt Greqisë do të jetë i pamundur përgjatë orëve të ardhshme.
Një lajm të tillë e konfirmoi vetëm pak minuta më parë gjatë një komunikimi me gazetarët, ministrja e Mbrojtjes Olta Xhaçka e cila pohoi se shumica e emigrantëve që po qëndrojnë në radhën kilometrike, do duhet të kthehet pas dhe për të gjetur mundësinë e një riaplikimi për të kaluar në shtetin fqinj.
(F.GJ/FAXWEB.AL)
/faxweb