Nënkryetarja e LSI-së, Erisa Xhixho ka ngritur pyetjen e rëndësishme për qeverinë shqiptare: “Ku jemi me rezervimin e dozave të vaksinës?”. Në një shkrim në rrjete sociale, Xhixho tregon se qeveria shqiptare nuk ka asnjë informacion për të menaxhuar pandeminë me rezervimin e dozave të vaksinës, ku fillimisht në vendin tonë duhen rreth 500 mijë të tilla.
Xhixho tregon se një pjesë e shteteve kanë bërë rezervime, ku BE ka mbyllur marrëveshjen me AstraZeneca për të siguruar 400 milionë doza. Në shkrimin e saj, thekson se Greqia do e marrë vaksinën në fund të vitit 2020, Maqedonia e Veriut po bën përpjekje për ta siguruar përmes BE dhe Mbretëria e Bashkuar ka rezervuar 100 milionë doza.
Ndërsa ShBA ka rënë dakord me kompaninë Moderna që të rezervojë 100 milionë doza vaksine që pritet të jetë gati në muajin Tetor dhe ka investuar 955 milionë dollarë. Edhe Zvicra ka rezervuar tek e njëjta kompani 4.5 milionë doza, ndërsa Shqipëria nuk dihet çfarë veprimesh po bën për këtë cështje.
Reagimi i plotë: Z.Kryeminister po ne ku jemi me rezervimin e dozave të vaksinës për qytetarët Shqiptar?
Përhapja e pandemisë dhe rastet e shtuara të njerëzve të infektuar me Covid-19 kërkojnë sot angazhimin e qeverisë Shqiptare për të rezervuar dozat e vaksinës sapo ato të futen në prodhim siç po bëjnë progresivisht shumë shtete në botë e rajon, të cilat vlerësojnë situatën me përgjegjësi dhe shumë seriozitet.
Ku jemi ne me përgatitjet masive për pajisjen me vaksina sa më parë!?
Për momentin asnjë informacion nuk është përcjellë nga qeveria Shqiptare, e cila ka detyrimin të informojë publikun për masat e marra në këtë drejtim. Ne krizën e thellë të shëndetit publik që po jetojmë nevojitet trasparencë e plotë për menaxhimin e pandemisë e mbi të gjitha informacion i sakte se ku jemi në lidhje me këtë fazë tepër të rëndësishme të rezervimit të vaksinave. Qeveria duhet t’i japi garanci popullit Shqiptar që vendi jonë ka rezervuar dozat e nevojshme të vaksinës, që nuk do të ngelemi si bisht i kavallit. Në Shqipëri sipas OBSH për fazën e parë të vaksinimit do të duhen rreth 500 mijë doza (20% e popullsisë) kryesisht për grupet e rriskut dhe ekipin mjekësor.
Ndërkohë që BE ka mbyllur marrëveshjen me AstraZeneca PLC për të blerë 400 milion doza vaksinë për Covid -19, pritet që doza e parë të jetë e vlefshme në muajin e ardhshëm. Greqia do të marrë vaksinen vetëm në fund të 2020.
Maqedonia e Veriut po bën perpjekjet e saj për të siguruar vaksinen e COVID -19 nëpermjet Polonisë pasi nuk është pjesë e BE. Mbreteria e Bashkuar ka rezervuar 100 milion doza të vaksinës po ashtu tek firma farmaceutike AstraZeneca, kërkimet e të cilës bëhen në bashkepunim me Universitetin e Oxfordit.
SHBA ka rezervuar 100 milion doza të vaksinës tek Moderna dhe ka investuar 955 milion dollar .Pritet që në Tetor vaksina të jetë gati. Zvicra ka rezervuar 4.5 milion doza vaksinë gjithashtu tek Moderna.
Pyetja e thjeshtë që Qeveria Shqiptare duhet të japi përgjigje është: po ne ku jemi me rezervimin e dozave të vaksinës për qytetarët Shqiptar?
Nga kjo epidemi fatkeqësisht janë humbur shume jetë njerëzish, asnjë jetë më shumë nuk duhet humbur nga vonesa për akses në vaksina të popullit Shqiptar.Çdo jetë e humbur me tej, si pasojë e pengesave dhe vonesave për akses në vaksinë, mungesës së përgatitjes apo paaftesisë organizative do të jetë përgjegjësi direkte e qeverisë.
/faxweb