10 tetor Në qytetin e Beratit ditët e fundit ka nisur puna për restaurimin e shtëpisë së familjes Braho në lagjen”Kala”, e cila i është nënshtruar procesit të restaurimit të fasadës.
Sipas Drejtorisë Rajonale të Trashëgimisë Kombëtare Berat restaurimi po kryhet në bashkëpunim me CHWB-Albania dhe ndërhyrja konsiston në restaurimin e fasadës në mur me skelet druri (restaurim dhe zëvendësim i elementeve drusore të dëmtuar nga lagështia, suvatim i murit çatma në ambientet e jashtme).
Banesat beratase janë një dëshmi e vyer e diversitetit urbanistik dhe arkitektonik, karakteristikë e Beratit.
Qyteti i Beratit është një nga më të vjetrit në Shqipëri, me gjurmët e para të cilat datojnë që 2600-1800 para Krishtit. Ka edhe qeramika që nga shekulli i 7 apo 6. Banorët e Beratit janë quajtur në fillim ilirë, më pas arbër dhe në fund shqiptarë.
Zona e Kalasë ka fortifikime guri që nga gjysma e parë e shekullit të 4-t. Në kohët e lashta ai ishte i njohur si Antipatreja Berat, një qytet i fortifikuar që ka arritur t’u rezistojë legjioneve romake të së kaluarës./k.s/j.p/
#tdi_4_7e8 .td-doubleSlider-2 .td-item1 {
background: url(http://ata.gov.al/wp-content/uploads/2020/10/1BERAT1-80×60.jpg) 0 0 no-repeat;
}
#tdi_4_7e8 .td-doubleSlider-2 .td-item2 {
background: url(http://ata.gov.al/wp-content/uploads/2020/10/1BERAT2-80×60.jpg) 0 0 no-repeat;
}
#tdi_4_7e8 .td-doubleSlider-2 .td-item3 {
background: url(http://ata.gov.al/wp-content/uploads/2020/10/1BERAT-80×60.jpg) 0 0 no-repeat;
}
#tdi_4_7e8 .td-doubleSlider-2 .td-item4 {
background: url(http://ata.gov.al/wp-content/uploads/2020/10/1BERAT3-80×60.jpg) 0 0 no-repeat;
}
1 nga 4
