Presidenti i SHBA-ve, Donald Trump nominohet për Çmimin Nobel për Paqe 2021.
Mattias Karlsson, Sekretari Ndërkombëtar i Partisë së ekstremit të djathtë të Demokratëve të Suedisë, e njohur me qasjen anti-migrante, në një deklaratë për gazetën Expressen njoftoi se Trumpin e kanë nominuar për Çmimin Nobel për Paqe 2021.
Ai theksoi se Trump ka dhënë shumë përpjekje për një botë paqësore. “Përpjekjet e Trumpit jashtëzakonisht paqësore në Lindjen e Mesme, Ballkanin dhe Gadishullin e Koresë nuk mund të mohohen. Si Partia e Demokratëve të Suedisë kemi nominuar Trump për Çmimin Nobel për Paqe me mbështetjen e 14 deputetëve nga 11 vende të Evropës”, u shpreh ai.
Trump u nominua edhe për Çmimin Nobel për Paqe të vitit 2020
Trump ishte nominuar edhe për Çmimin Nobel për Paqe të vitit 2020, nga anëtari i parlamentit të Norvegjisë Christian Tybring-Gjedde.
Kujtojmë se Komiteti i Nobelit muajin e kaluar Çmimin Nobel për Paqe ia kishte dhënë Programit Botëror të Ushqimit (WFP) pranë Kombeve të Bashkuara (OKB).
AA