Kreu i Partisë Demokratike ka reaguar pas ndarjes nga jeta të ish-deputetit Marko Bello.
Basha shkruan në rrjetet sociale se Bello do të kujtohet si një qytetar dhe politikan i principtë dhe i moderuar, i prirur drejt bashkëpunimit për hir të interesave të vendit.
POSTIMI:
“Mësova me hidhërim për ndarjen nga jeta të ish-ministrit dhe ish-deputetit Marko Bello.
I shpreh ngushëllimet e mia familjes Bello për humbjen e babait dhe bashkëshortit të përkushtuar, dhe të gjithë miqve dhe kolegëve që humbën të afërmin dhe mikun e tyre të dashur.
Marko Bello do të kujtohet si një qytetar dhe politikan i principtë dhe i moderuar, i prirur drejt bashkëpunimit për hir të interesave të vendit.
U prehtë në paqe!”
Ish-deputeti i Partisë Socialiste humbi betejën me Covid-19 në moshën 59-vjeçare. Bello ndohej në një spital në Turqi, aty ku dhe po merrte trajtimin e nevojshëm.