Turqia është e vendosur të arrijë një industri plotësisht të pavarur të mbrojtjes nën Presidentin Rexhep Tajip Erdogan, tha të hënën kreu i Zyrës së Industrisë së Mbrojtjes të Turqisë (SSB), njeriu i përfshirë në sanksionet amerikane, vendosur orë më parë ndaj Ankarasë, e kjo për shkak të blerjes nga Turqia të S-400, sistemit antiraketor rus.
“Asnjë vendim i marrë jashtë vendit kundër meje ose institucionit tonë nuk do të ndryshojë qëndrimin tim ose qëndrimin e ekipit tim,” tha Ismail Demir.
“Sanksionet nuk do të jenë në gjendje të rrezikojnë industrinë turke të mbrojtjes në asnjë mënyrë,” shtoi ai.
Sanksionet, të cilat janë pjesë e Aktit Anti-Sanksione të SHBA (CAATSA), kanë synuar Zyrën Turke të Industrisë së Mbrojtjes, udhëheqësin e saj Ismail Demir dhe tre zyrtarë të tjerë.
Sekretari i Shtetit i SHBA Mike Pompeo tha në një deklaratë se SSB ishte përfshirë me vetëdije në një transaksion të rëndësishëm me Rosoboronexport, agjencia kryesore e eksportit të armëve të Rusisë, me blerjen e sistemit të raketave S-400.
“Sanksionet përfshijnë ndalimin e të gjitha licencave të eksportit të SHBA-së dhe autorizimet e SSB-së, dhe ngrirjen e pasurive dhe kufizimet e vizave për Ismail Demir, presidenti i SSB dhe zyrtarë të tjerë të SSB”, theksoi Pompeo.
Presidenti Donald Trump tha në qershor 2019 se administrata e ish-presidentit Barack Obama e trajtoi Turqinë në mënyrë të padrejtë kur Ankaraja kërkoi blerjen e sistemeve amerikane të mbrojtjes.
“Administrata e Obamës i tha Turqisë jo, jo, jo, kur ata donin të blinin Patriotin, dhe më pas Turqia bleu S-400,” tha Trump gjatë një fjalimi në samitin e G20 në Osaka, Japoni.