Edhe pse është një ndër pikat turistike më të frekuentuara dhe më të bukura të bashkisë së Elbasanit, në Gjinar nuk është investuar asnjëherë. Qendra e fshatit ofron një pamje aspak të denjë për vizitorët pasi është e mbushur plot gropa me ujë e baltë.
Ndonëse disa herë pushteti lokal ka premtuar ndërhyrje nuk është kryer rikualifikimi i qendrës dhe rrugëve mes fshatit. banorë shprehen të indinjuar për mos vëmendjen ndaj zonës.
Gjinari ofron mundësi për zhvillimin e turizmit kurativ në verë, por edhe atij malor në dimër ku shpatet e maleve mbushen me dëborë.
Pavarësisht kushteve ka nga ata turistë që i mbeten besnik por shprehen te revoltuar kur përballen me mungesën e investimeve.
Çdo të enjte në Gjinar banorët e zonës tregtojnë prodhimet e zonës. produktet shiten në tokë mes pluhurit dhe baltës.
Qeveria e ka përfshirë Gjinarin në listën e 100 fshatrave turistike. Pavarësisht këtij fakti është treguar dorështrënguar me investime.