Turqia ka zbuluar një depozitë të madhe ari që peshon deri në 99 ton, që vlerësohet të jetë rreth 6 miliardë dollarë, më shumë se PBB-ja e disa vendeve.
Sipas agjencisë shtetërore të lajmeve Anadolu, depozita u zbulua nga Gubertas – një kompani prodhuese e plehrave – së bashku me Fahrettin Poyraz, kreu i Kooperativave të Kredive Bujqësore të vendit.
Pasi doli lajmi, aksionet e Gubertas u rritën me 10 përqind në Borsa Stamboll – bursa turke. Poyraz informoi Anadolu se nxjerrja e parë e arit do të bëhet brenda dy vjetësh, duke shtuar vlerë në ekonominë turke.
Turqia tashmë ka thyer rekordin e saj në vitin 2020 duke prodhuar një total prej 38 ton ari, ndërsa Ministri i Energjisë Faith Donmez kishte vendosur një objektiv vjetor për prodhimin e arit prej 100 tonë në fillim të këtij viti në shtator.
Vlera e depozitës së artë të zbuluar së fundmi vlerësohet të jetë më e madhe se PBB-ja e disa vendeve. Sipas Worldometer, PBB-ja e Maldiveve është 4.87 miliardë dollarë, ndërsa ajo e Burundit është 3.17 miliardë dollarë. Ndërsa kjo e bën depozitën e arit më të pasur se këto vende, të tjera si Barbados, Guajana, Mali i Zi dhe Mauritania kanë ekonomi shumë më të vogla se 6 miliardë dollarë.