Deputeti Myslimi Murrizi do të ankimojë gjatë ditës së sotme në Gjykatën Kushtetuese Kodin Zgjedhor, i cili u miratua pak javë ma parë në Kuvend.
Partia Lëvizja Demokratike Shqiptare do ankimojë nenin 163 të kodit të ri Elektoral, i cili lidhet me herësin për ndarjen e mandateve të vendosur në Kodin e ri Zgjedhor.
Lëvizja Demokratike Shqiptare pritet të dalë e vetme në zgjedhjet e 25 prillit të vitit të ardhshëm, pasi kryetari i saj e sheh me rezerva bashkëpunimin me dy ish-funksionarët e lartë të Partisë Demokratike.
Kreu i LDSH-së ka refuzuar rekomandimin e Komisionit të Venecias, i cili kërkoi vetëpërmbajtje nga kryetarët e partive për të mos kandiduar në 4 zona elektorale teksa konfirmon se Tirana dhe Fieri janë dy zgjedhjet e sigurta të tij.
Gjatë ditës së djeshme u zgjodh dhe anëtarja e 7-të e Gjykatës Kushtetuese, Sonila Bejtja, e cila vjen nga radhët e noterëve, duke e bërë funksionale pas më shumë se dy vitesh organin më të rëndësishëm të sistemit të drejtësisë.
(E.K/Faxweb.al)
/faxweb