Deputetët e Kuvendit kanë miratuar shkarkimin e Olta Xhackës si ministre e Mbrojtjes dhe emërimin si Ministre për Europën dhe Punët e Jashtme me 94 vota pro, 4 kundër, 1 abstenim.
Ndërsa për emërimi i Niko Peleshit si ministër i Mbrojtjes u miratua me 94 vta pro 3 kundër 3 abstenim.
Ishte kryeministri Edi Rama ai që i nisi një letër kreut të Kuvendit, Gramoz Ruçi, për mbledhjen e Kuvendit në seancë të jashtëzakonshme, kërkesë kjo është pranuar nga kryeparlamentari, i cili vendosi që të mbajë mbledhjen në orën 17:00 për miratimin e ndryshimeve të fundit në qeveri.
Kujtojmë se seanca e parë e vitit 2021 e Parlamentit ishte parashikuar të mbahej më 18 janar, por ndryshimet në qeveri bënë që mbledhja e parë e Kuvendit për vitin 2021 të bëhej më 4 janar.
Në nenin 98 të Kushtetutës thuhet se dekretet e presidentit për shkarkim dhe emërim ministrash votohen nga Kuvendi brenda 10 ditëve.
Më 31 dhjetor kreu i shtetit firmosi ndryshimet në qeverinë Rama me kërkesën e kryeministrit për kalimin e Olta Xhaçkës nga Ministre e Mbrojtjes, në ministre për Europën dhe Punët e Jashtme dhe riktheu Niko Peleshin si drejtues të dikasterit të mbrojtjes.
(A.M/Faxweb.al)
/faxweb
