Ka rinisur këtë të hënë mësimi në shkollat 9 vjeçare dhe gjimnaze, pas pushimeve dimërore që zgjatën më shumë këtë vit, me qëllim parandalimin e përhapjes së virusit.
Procesi ka vijuar, i alternuar mes prezencës fizike dhe në distancë, për të gjitha klasat e tjera përveç atyre të fillores dhe maturës.
Disa nxënës, që janë pjesë e mësimit të kombinuar, shprehen se preferojnë të jenë vetëm prezentë në klasë dhe jo online.
Nxenes
“Do doja të bëja mësimin vetëm në shkollë, në klasë se e kemi më të thjeshtë për ta zhvilluar mësimin sesa online”
Nxenes
“Kur jemi në klasë me mësuesen dhe nxënësit e tjerë, e kuptojmë më mirë mësimin.”
Nga ana tjetër, edhe pse frika e infektimit nga Covid-19 është e pranishme, prindërit duan mësimin në bankat e shkollës për fëmijët e tyre.
Edhe në universitete prej disa ditësh ka nisur mësimi online. Pedagogët shprehen se zhvillimi i procesit nëpërmjet një ekrani ka disa mangësi. Sipas tyre, provimet virtuale nuk do të ishin matës realë të dijeve të përftuara nga studentët.
Mësimi i alternuar në shkolla dhe ai online në universitete, do të vazhdojnë deri në një afat të pacaktuar, në varësi të ecurisë së pandemisë.
