Pas takimit disa minuta në Presidencë ku Yuri Kim zhvilloi një takim me Presidentin Meta, Kryeministrin Rama, Kreun e PD-së Basha, Ministren e Jashtem, Xhaçka, Ministri i Brendshëm, Çuçi dhe Ministrin e Mbrojtjes Peleshin, ambasadorja zgjodhi të falënderojë të pranishmit në këtë takim nëpërmjet një postimi në “Facebook”. Ndër të tjera Ambasadorja e ShBA-ve në Tiranë theksoi se punojnë së bashku për të ndërtuar gatishmërinë dhe ndërveprimin nëpërmjet stërvitjeve, të ardhshme ushtarake të SHBA, me ushtarë shqiptarë dhe në tokën shqiptare.
Kim shton se kemi qenë dëshmitarë të guximit dhe vendosmërisë së shqiptarëve në Afganistan, Kosovë dhe Irak dhe, përmes Partneritetit Kombëtar të Shqipërisë me Gardën Kombëtare të Nju Xhersit, ndërsa shton se presin që Shqipëria të ketë një rol të rëndësishëm në këtë stërvitje madhore ushtarake.
Shqipëria do të jetë një vend kryesor pritës për veprimtaritë e shumta ushtarake që po afrojnë, dhe kjo përforcon rëndësinë strategjike të gjeografisë së Shqipërisë në rajon.
Postimi i plotë i Ambasadës së SHBA-ve në Facebook:
“Dua të falënderoj Presidentin Meta, Kryeministrin Rama dhe Ministrin Peleshi për pritjen e tyre sot. Patëm një diskutim të shkëlqyer mbi mënyrën se si mund të vazhdojmë të punojmë së bashku për të ndërtuar gatishmërinë dhe ndërveprimin tonë nëpërmjet stërvitjeve të ardhshme ushtarake të SHBA, me ushtarë shqiptarë dhe në tokën shqiptare.
Një aleate e palëkundur e NATO-s prej vitit 2009, Shqipëria është një partnere strategjike e sigurisë për Shtetet e Bashkuara – si në rajon, ashtu edhe në botë. Shqipëria po investon ndjeshëm për të forcuar gatishmërinë e saj për mbrojtjen kolektive të NATO-s, duke punuar ngushtë me SHBA për të përmirësuar aftësitë në të gjitha fushat.
Ne kemi qenë dëshmitarë të guximit dhe vendosmërisë së shqiptarëve në Afganistan, Kosovë dhe Irak dhe, përmes Partneritetit Kombëtar të Shqipërisë me Gardën Kombëtare të Nju Xhersit.
Ndërsa ne jemi ende duke planifikuar stërvitjen DEFENDER-Europe 21, presim që Shqipëria të ketë një rol të rëndësishëm në këtë stërvitje madhore ushtarake. Shqipëria do të jetë një vend kryesor pritës për veprimtaritë e shumta ushtarake që po afrojnë, dhe kjo përforcon rëndësinë strategjike të gjeografisë së Shqipërisë në rajon.
Faleminderit edhe një herë për mirëpritjen tuaj të ngrohtë në Shqipëri dhe pres me kënaqësi edhe më shumë vite mbështetjeje të ndërsjellë me aleaten tonë të vyer, Shqipërinë”- u shpreh Ambasadorja e SHBA-ve në Tiranë.
Gjeneral Major Joseph Jarrard, Zv. Komandant Gjeneral i Ushtrisë së SHBA në Europë
Takimi në Presidencë mes Yuri Kim dhe Metës, Ramës Bashës etj….
/faxweb
