Një nga krizat alarmante për të cilat nuk është duke u diskutuar shumë në media, është ajo e shëndetit mendor te fëmijët.
Ekspertë, psikologë, mësues dhe prindër, kanë ngritur shqetësimin se shëndeti mendor i fëmijëve është duke u përkeqësuar ditë pas dite.
Rod Grant, drejtori i shkollës Clifton Hall në Edinburg, është shprehur se fëmijëve u është implementuar ideja se nese dalin jashtë për të luajtur në park, dikush tjetër do të vdesë si pasojë e veprimeve të tyre. E gjithë kjo, sipas Grant, vjen si pasojë e informacioneve në media të cilat përhapin shumë panik, raporton Vizion Plus.
Edhe Kolegji Mbretëror i Psikiatërve, në Mbretërinë e Bashkuar, argumenton se mbyllja e shkollave dhe bllokimi i vendit, po shkaktojnë krizën e shëndtetit mendor te fëmijët, krizë e cila mund të jetë dëmtuese gjatë gjithë jetës së tyre.
Ajo çfarë e bën akoma edhe më shumë alarmante këtë situatë, janë rezultatet e një sondazhi i cili është i kryer para pandemisë, në vitin 2019. Sondazhi i mësuesëve tregon se shëndeti mendor i nxënësve të tyre është në pikën e krizës, rezultate këto vetëm të vitit 2019. Më shumë se 80 përqind e mësuesve pohuan se shëndeti mendor midis nxënësve në Angli ishte përkeqësuar gjatë dy viteve të mëparshme.
Eksperët janë duke i bërë thirrje qeverisë dhe organeve përgjegjëse se fëmijët do të kenë nevojë për shumë mbështejte psikologjike kur shkollat të rihapen.
