Kreu i opozitës shqiptare në Maqedoninë e Veriut, Zijadin Sela ka reaguar ashpër për një botim për shkollat e mesme, ku ofendohen keqas shqiptarët.
Në Maqedoninë e Veriut është publikuar një libër i Gjeografisë, ku shqiptarët cilësohen si fise të ardhur me origjinë çekreze apo rome.
Kreu i Aleancës Shqiptare, Zijadin Sela tha për mediat, se partia e tij do të padisë në gjykatë autorët maqedonas të librit, ndërsa përgjegjësinë politike e kërkoi të partia e Ali Ahmetit.
Sela i cilësoi autorët e librave si “të sëmurë psiqikisht” pasi vuajnë nga paranoja nacionale, ndërsa fajësoi BDI-në se ka ulur kurrizin për pak pushtet.
Kreu i Aleancës Shqiptare i ka bërë thirrje qytetarëve për të nisur një proces protestash për të detyruar BDI-në që të largojë përgjegjësit për këto veprime të rënda.
Faqja 99 : Shqiptarët kanë qenë maqedonas por në kohën e pushtetit osman janë bërë shqiptar. Shqiptarët e Maqedonisë e kanë prejardhjen nga çerkezët, romë dhe turqit. Shqiptarët në Maqedoni kanë ardhur në periudha të ndryshme kohore, duke nisur nga viti 1780
Në faqen 104 : Shqiptarët kanë migruar në Maqedoni, duke i malltretuar fizikisht, duke i vjedhur, duke i kidnapuar dhe duke i vrarë maqedonasit vendas. Shkruan se për këtë shqiptarët i ka ndihmuar qeveria turke.
Në faqen 103: Shqipëria okupatore e Maqedonisë Perëndimore.
/faxweb