Kompania izraelite e shërbimeve shëndetësore, e cila deri më tani ka vaksinuar më shumë se gjysmë milioni njerëz me dy doza të Pfizer-BionTech, tha se nga të gjithë të vaksinuarit, vetëm 544 persona (0,1 përqind) morën virusin Corona.
Ndër këta 544 pacientë, katër kishin një formë më të rëndë dhe asnjë vdekje nuk u regjistrua midis tyre, pra duke qenë të vaksinuar, raportoi Times of Israel.
Kur krahasoi rezultatet me grupin e kontrollit, kompania “Maccabi” arriti në përfundimin se vaksina ishte 93 për qind efektive.
Sipas të dhënave të marra, të cilat përfshijnë subjekte që morën dozën e dytë shtatë ose më shumë ditë më parë, kompania pretendon se vaksina ofron mbrojtje të plotë që në javën e parë pas marrjes së dozës së dytë.
Këto rezultate, të marra nga një studim i popullatës së vaksinuar, konfirmuan të dhënat e marra nga provat klinike, sipas të cilave efektiviteti i vaksinës është 95 përqind.
