Policia e Shtetit ka proceduar penalisht një 46-vjeçare për veprën penale “Mosdeklarimi i të hollave dhe sendeve me vlerë në kufi”, pasi në një kontroll që i është bërë në Kakavijë i janë gjetur dhe sekuestruar 23 mijë euro.
Njoftimi i plotë:
Vijojnë kontrollet intensive për parandalimin, evidentimin dhe goditjen e paligjshmërisë.
Goditet një rast i mosdeklarimit të të hollave në kufi.
Sekuestrohen 23.000 euro.
Procedohet penalisht poseduesja e shumës monetare.
Shërbimet e Policisë Kufitare në Kakavijë, si rezultat i shtimit të kontrolleve me qëllim parandalimin dhe goditjen e paligjshmërisë, bazuar në analizën e riskut, në dalje të RSH-së, kanë kaluar për kontroll në vijën e dytë, një mjet tip “Volksëagen”.
Gjatë kontrollit të ushtruar në automjet, shërbimet e Policisë Kufitare, në bashkëpunim me shërbimet doganore, gjetën të fshehura në çantën e dorës së shtetases A. T. (pasagjere në mjet), 23.000 euro, të cilat kjo shtetase nuk i kishte deklaruar. Shuma e parave u sekuestrua në cilësinë e provës materiale.
Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Gjirokastër, shtetasja A. T., 46 vjeçe, banuese në Sarandë, u procedua penalisht për veprën penale “Mosdeklarimi i të hollave dhe sendeve me vlerë në kufi”.
()