Dy të rinj të moshave 23 dhe 25-vjeç janë konfliktuar me thika me njëri-tjetrin mesditën e sotme në Skrapar.
Ngjarja ka ndodhur te tregu i përjavshëm ku sherri mes tyre është përshkallëzuar fillimisht në grushte dhe më pas në përdorimin e thikave.
Për pasojë të dy ata kanë marrë plagë të rënda dhe janë në gjendje të vështirë shëndetësore.
Tashmë dy të rinjtë po transportohen me helikopter drejt Tiranës për një ndihmë më të specializuar mjekësore.
Nuk dihet ende shkaku i sherrit mes tyre ndërkohë policia ka mbërritur në vendin e ngjarjes, por nuk ka ende një njoftim zyrtar për mediat.