Parlamenti kanadez ka miratuar një ligj që e konsideron trajtimin e Ujgurëve nga Kina si gjenocid.
“Aktualisht, një gjenocidi po kryhet kundër ujgurëve dhe muslimanëve të tjerë turq,” lexon propozimi, i cili u miratua nga parlamenti kanadez me 266 vota pro dhe asnjë kundër.
Parlamenti mbështeti gjithashtu një propozim për të lobuar në Komitetin Olimpik që të zhvendosë Lojërat Olimpike 2022 nga Kina nëse ky vend nuk ndalon gjenocidin,
I gjithë kabineti i kryeministrit Justin Trudeau me 35 ministra abstenoi nga votimi mbi propozimin e Partisë Konservatore. Sidoqoftë, asnjë liberal nuk votoi kundër propozimit.
“Kanadaja sigurisht nuk po e injoron gjendjen e ujgurëve,” tha ministri i Financave Marc Garneau.
“Ne jemi të shqetësuar seriozisht,” tha ai të martën, duke shtuar se ata ia kishin bërë këtë të qartë qeverisë kineze revoltën e tyre.
Raportet e para të keqtrajtimeve u shfaqën në 2017 dhe që nga ajo kohë, rreth i milion ujgurë janë vendosur në më shumë se 400 kampe përqendrimi.
Kombet e Bashkuara dhe media të ndryshme raportuan për krimet, duke thënë se ujgurët e pakicave ishin të ekspozuar ndaj dhunës seksuale, sterilizimit të detyruar, rrahjeve dhe abuzimeve të tjera në kampe.
Rreth 10 milion ujgurë banojnë në provincën Xinjiang.
Në një konferencë shtypi të thirrur nga konservatorët të hënën në mëngjes para votimit, një grua ujgure e cila ishte punësuar për të dhënë mësim kinezisht në një nga kampe në 2017 tha se ishte dëshmitare e abuzimit të dorës së parë – kërcënim, përdhunim dhe abuzime të tjera.
Provinca autonome Xinjiang është provinca më e madhe kineze me një popullsi kryesisht muslimane të përbërë nga anëtarë të komunitetit turk ujgur dhe kazakë etnikë.
Organizatat e të drejtave të njeriut janë përpjekur për ca kohë t’i tregojnë komunitetit ndërkombëtar problemin e komunitetit Ujgur në Xinjiang, ku miliona njerëz janë burgosur në “kampe transformimi”.
Organizata ndërkombëtare Human Rights Watch (HRW) gjithashtu deklaroi në një raport të mëparshëm se shumë njerëz në Xinjiang kanë përfunduar në paraburgim në të ashtuquajturat qendra të edukimit politik në dy vitet e fundit dhe se këta janë njerëz që konsideroheshin të rrezikshëm nga autoritetet.
Bashkimi Evropian shprehu shqetësim për ekzistencën e këtyre qendrave dhe ua bëri të qartë këtë zyrtarëve kinezë në një takim të Dialogut për të Drejtat e Njeriut.
Pekini zyrtar mohon ekzistencën e kampeve të tilla në Xinjiang dhe Ministria e Punëve të Jashtme kineze pretendon se këto janë qendra që përdoren ekskluzivisht për arsimin profesional.
