Një 29-vjeçar nga Elbasani është vënë në pranga pasi përndiqte një shtetase.
Sipas policisë, shtetasi me inicialet S.B dyshohet se kërcënonte dhe përndiqte vazhdimisht nëpërmjet telefonit dhe rrjeteve sociale një 21-vjeçare.
Njoftimi i policisë:
Specialistët për Hetimin e Krimit në Komisariatin e Policisë Elbasan, arrestuan në flagrancë shtetasin: S.B., 29 vjeç, banues në Elbasan, pasi ky shtetas në mënyrë të vazhdueshme ka përndjekur, kërcënuar dhe shqetësuar nëpërmjet telefonit dhe në rrjetet sociale një shtetase 21 – vjeçare.
Materialet hetimore i kaluan Prokurorisë pranë Gjykatës së Shkallës parë Elbasan, për veprime të mëtejshme proceduriale.