Të paktën 18 njerëz u vranë kur dy mina shpërthyen të dielën në provincën qendrore siriane të Hama, njoftoi TV shtetëror.
Të paktën tre të tjerë u lënduan “në shpërthimin e dy minave tokësore të lëna pas nga grupet terroriste” në një fshat afër qytetit të Salamiyah, sipas kanalit Al-Ikhbariya.
Agjencia zyrtare e lajmeve “SANA” tha se të gjithë të vrarët ishin civilë. Monitoruesi i Luftës Siriane për të Drejtat e Njeriut me qendër në Britani tha që viktimat ishin me fermerë tartufi.
Eksplozivët e lënë në fusha, përgjatë rrugëve apo edhe në ndërtesa nga të gjitha palët në konfliktin gati dekadësh të Sirisë kanë plagosur mijëra civilë dhe kanë vrarë qindra të tjerë.
Gërmimi i tartufit ka bërë që shumë njerëz, përfshirë gra dhe fëmijë, të humbin jetën në qendrën e vendit, në verilindje dhe në lindje në vitet e fundit.
Në të gjithë Sirinë, më shumë se 10 milion njerëz jetojnë në zona të ndotura nga rreziqet shpërthyese, sipas Kombeve të Bashkuara.
Në janar, vëzhguesi i Aksionit për Dhunën e Armatosur regjistroi 192 vdekje në Siri nga armët shpërthyese, 65 përqind e të cilave ishin për shkak të pajisjeve shpërthyese të improvizuara (IED) dhe pesë përqind e minave tokësore.
Lufta e Sirisë ka vrarë më shumë se 387,000 njerëz dhe ka zhvendosur miliona që kur filloi një dekadë më parë këtë muaj me shtypjen brutale të protestave anti-qeveritare.
(E.H/Faxweb.al)
/faxweb