Është zbardhur ngjarja që ndodhi në zonën e bllokut 3 ditë më parë, ku 2 persona goditën me qytën e pistoletës një qytetar i cili udhëtonte në makinë së bashku me një grua.
Policia njoftoi ditën e sotme se janë proceduar penalisht shtetasit me inicialet E.K, 33 vjeç, dhe V.K, 37 vjeç.
Njoftimi i policise:
Tiranë
Zbardhet dhe dokumentohet ngjarja e ndodhur më datë 06.03.2021, në zonën e ish-Bllokut.
Procedohen në gjendje të lirë 2 shtetas, për veprat penale “Plagosja e lehtë me dashje” dhe “Kanosja”.
Shërbimet e Policisë, pas marrjes të njoftimit se në rrugën “Ismail Qemali”, në zonën e ish-Bllokut, një shtetas ishte goditur me qytën e një armë zjarri të dyshuar pistoletë, kanë shkuar menjëherë në vendngjarje.
Pas një pune të mirorganizuar është bërë i mundur identifikimi dhe shoqërimi i autorëve të ngjarjes, shtetasve:
E.K., 33 vjeç dhe V. K., 37 vjeç, banues në Rrëshen. Këta dy shtetas, më datë 06.03.2021, pas një konflikti të çastit për motive të dobëta, kanë goditur me qytën e një arme në dukje lodër, shtetasin E. XH.
Në përfundim të veprimeve, specialistët për Hetimin e Krimit në Komisariatin e Policisë Nr. 2 proceduan penalisht në gjendje të lirë shtetasit E. K. dhe V. K për veprat penale “Plagosja e lehtë me dashje” dhe “Kanosja” dhe materialet i kaluan Prokurorisë së Rrethit Gjyqësor Tiranë, për veprime të mëtejshme.
(E.H/Faxweb.al)
/faxweb