Organizata Botërore e Shëndetësisë ka aprovuar vaksinën e kompanisë së madhe farmaceutike amerikane Jonson & Johnson, e cila jepet në një dozë të vetme, tha agjencia e Kombeve të Bashkuara.
“Çdo mjet i ri i sigurt dhe efektiv kundër COVID-19 është një hap përpara për të kapërcyer pandeminë,” komentoi Drejtori i Përgjithshëm i OBSH-së Tedros Adhanom Ghebreyesus.
Të enjten, Komisioni Evropian dha miratimin për përdorimin e vaksinës J&J, e cila mundësoi përdorimin e kësaj vaksine në të gjitha vendet e Bashkimit Evropian, raporton AFP.
Kjo është vaksina e katërt kundër COVID-19 që miratohet në BE, pas Pfizer, Modern dhe AstraZenecina.
Ndryshe nga prodhuesit e tjerë, Johnson & Johnson ka zhvilluar një vaksinë me një dozë të vetme kundër COVID-19.
Komisioni Evropian ka porositur 200 milion doza të vaksinës J&J, me mundësinë e prokurimit të 200 milion dozave shtesë.
Njëqind milion doza duhet të dorëzohen deri në qershor.