Donald Trump iu drejtua mbështetësve të tij dhe u bëri thirrje atyre që të vaksinohen kundër koronavirusit pavarësisht mosbesimit.
“Unë rekomandoj vaksinimin. Unë gjithashtu e rekomandoj atë për ata që nuk e duan atë. Shumë prej tyre votuan për mua,” i tha ish-presidenti amerikan Fox News përmes telefonit.
“Vaksina është e shkëlqyeshme. Eshtë e sigurt dhe funksionon,” theksoi ai.
Kjo duket të jetë përgjigjja e Trump ndaj zëdhënësit të Shtëpisë së Bardhë Jan Psaki, i cili tha me tallje se Trump nuk i inkurajon amerikanët të vaksinohen.
“Të gjithë ish-presidentët e tjerë, të cilët janë gjallë, janë bashkuar me fushatën e sensibilizimit dhe nuk kishin nevojë për një ftesë zyrtare,” tha Psaki disa ditë më parë.
Kujtojmë, Trump dhe gruaja e tij Melania u vaksinuan në janar para se të jepnin dorëheqjen, por ky informacion u zbulua nga bashkëpunëtorët e tyre të ngushtë vetëm disa javë pasi ata u larguan nga Shtëpia e Bardhë.