Kreu i grupit parlamentar të PS-së, Taulant Balla ka përkujtuar sot 22-vjetorin e masakrës së Krushës, ku gjenocidi serb goditi kundër shqiptarëve.
Një çështje kjo për të cilën është përfolur si i implikuar për fshehjen e provave edhe kryedemokrati Lulzim Basha.
Balla shkruan se personi dëshmitar që e filmoi ia dorëzoi Lulzim Bashës (asokohe punonjës i GJNKL), por që një zot e di pse refuzon t’ia kthejë këtë provë të rëndësishme Kosovës dhe drejtësisë.
Postimi i Ballës:
LIRIA KA EMËR, KRUSHA E MADHE
Sot bëhen 22 vite nga masakra dhe gjenocidi serb kundër shqiptarëve të Krushës së Madhe. Urdhëruesit dhe autorët e kësaj masakre nuk janë vënë ende para drejtësisë
Provë e kësaj masakre ishte një kasetë filmike, të cilën personi dëshmitar që e filmoi ia dorëzoi Lulezim Bashës (asokohe punonjës i GJNKL), por që një zot e di pse refuzon t’ia kthejë këtë provë të rëndësishme Kosovës dhe drejtësisë!