Ministri për Diasporën Pandeli Majko, teksa ishte i ftuar mbrëmjen e djeshme në emisionin “Real Story” u pyet nëse është ndjerë më mirë kur PS-në e ka drejtuar Fatos Nano apo Edi Rama.
Majko u shpreh se më mirë është ndjerë, kur ka drejtuar vetë PS-në, kur ishte edhe kryeministër.
“Më komod jam ndjerë, kur kam drejtuar vetë PS-në. Në atë kohë isha kryeministër dhe kryetar partie.
Meta është kundërshtari ynë politik, në këto zgjedhje është kundërshtari ynë.
Sa i përket votës së emigrantëve, procesi është bllokuar nga opozita.
Qytetarët më 25 prill të votojnë për të ardhmen e tyre, për Shqipërinë.
Sipas të gjitha sondazheve, ne do të fitojmë.
Njerëzit më 25 prill duhet të mos zgjedhin greminën, por alternativën tonë të qeverisjes”, u shpreh Majko.