Presidenti i UEFA-s Alexander Ceferin konfirmoi sot se lojtarët nga Superliga e sapoformuar do të ndalohen të marrin pjesë në Kampionatin Botëror dhe Evropian.
Shtëpia ombrellë e futbollit evropian, UEFA, njoftoi gjithashtu sanksione për klubet që do të marrin pjesë në Superligën e sapoformuar.
UEFA tha se klubet dhe lojtarët që do të jenë pjesë e Superligës do të mbajnë pasojat dhe se ata nuk do të jenë në gjendje të marrin pjesë në gara evropiane, vendase apo ndonjë tjetër në futboll.
Pavarësisht kundërshtimit të UEFA-s, 12 klube evropiane të futbollit kanë arritur një marrëveshje për të filluar një garë të re, Super League.
Një deklaratë e përbashkët tha se liga do të drejtohet nga klubet themeluese, duke përfshirë Milan, Arsenal, Atletico Madrid, Chelsea, Barcelona, Inter, Juventus, Liverpool, Manchester United, Manchester City, Real Madrid dhe Tottenham.