Ministria e Shëndetësisë ka publikuar një protokoll që duhet të zbatohet në 25 prill gjatë procesit të votimit.
Në protokoll janë përcaktuara qartë të gjitha rregullat që duhet të ndjekin anëtarët e Komisioneve të Qendrave të Votimit, por edhe votuesit.
Maska do të jetë e detyrueshme, ndërsa qytetarët do të duhet të respektojnë distancimin si dhe të mbajnë një largësi nga votuesit rreth 1.5 metra.
Po ashtu, çdo qytetar i infektuar me COVID ose që ka shfaqur simptoma, do të qëndrojë në shtëpi, në karantinë.
Sakaq, në qendrat e votimit do të jetë edhe 1 person që do të vëzhgojë respektimin e masave kufizuese.