Në një sulm me bombë mbrëmë në Kabul të Afganistanit janë plagosur 5 persona.
Zëdhënësi i Ministrisë së Punëve të Brendshme të Afganistanit, Tariq Aryen njoftoi se në “udhëkryqin e dëshmorëve” në Kabul, ndodhi një shpërthim i fuqishëm.
Ndihmësi i zëdhënësit të MPB-së, Hamid Rushan në një deklaratë për mediat tha se në sulmin me bombë u plagosën 5 persona.
Dëshmitarët theksojnë se sulmuesi si objektiv ka pasur autokolonën e pjesëtarëve të forcave të sigurisë që kalonin në këtë pjesë.
Pretendohet se ka edhe të vdekur ndërsa shpërthimi shkaktoi dëme të konsiderueshme materiale.
Ende askush nuk e ka marrë përgjegjësinë për sulmin.