Kryetari i PDK-së, Nard Ndoka në emisionin Top Talk ka deklaruar se gaboi që i besoj verbërisht Bashës për zgjedhjet e 2021.
Ai aludoi se ndryshimi i Kodit Zgjedhor që shmangte koalicionet tren, mund të jetë bërë edhe me bekimin e Bashës, kjo me synimin për të eliminuar partitë e vogla.
“Vendosa ti besoja të ardhmen time politike zotit Basha, por ajo që është e pafalshme për mua ia besova dhe të ardhmen e PDK-së atij. Rama është treguar më transparent me mua se sa Basha. Ai është një hap përpara. Bash ishte një dështim sa i përket marrëdhënies institucionale dhe morale.
Nuk do ti besoja në një marrëveshje të tillë, ishte hera e dytë që Basha operonte në një standard të tillë me PDK. Nuk do ta bëja, por mendoja se e gjithë opozita duhet të operonte e bashkuar kundër Ramës”, tha kryedemokristiani.
Ai gjithashtu shtoi se asnjëherë ai nuk doli në fushatë ne liderët e koalicionit dhe i shmangu ato, duke mos e kuptuar arsyen se pse ndodhi një gjë e tillë.
“Është përpjekur të pastrojë skenën politike nëpërmjet këtyre skemave. E penalizon vetë Pd-në, duhet ta themi ne këtë sot. Me një standard merrej vesh me PS për ta bërë këtë lëvizje, standardi tjetër ishte te një person që nuk i intereson një gjë e tillë”, tha Ndoka.