Kryetari i Delegacionit të PE-së në Komitetin e Stabilizim Asocimit BE-Shqipëri, Manolis Kefalogiannis ka dërguar një letër kryeministrit Edi Rama pas përfundimit të zgjedhjeve të 25 Prillit.
Kefalogiannis shkruan për ditën e zgjedhjeve se ishin të qeta dhe të mirogranizuara dhe pse ndodhemi në mes të një pandemie.
Më tej, Kefalogiannis thekson se PE e mbështet Shqipërinë në rrugën drejt Bashkimit Europian.
Letra:
I dashur Z. Rama, unë do të doja t’ju përgëzoja ngrohtësisht për procesin e mirëorganizuar zgjedhor, i cili përfundoi në një ditë të qetë dhe pozitive të zgjedhjeve parlamentare në 25 Prill 2021. Unë do të doja të përshëndesja njerëzit e Shqipërisë për pjesëmarrjen e tyre paqësore në këto zgjedhje.
Më lejoni të vlerësoj organizimin e mirë të zgjedhjeve parlamentare pavarësisht nga sfidat e paraqitura nga një legjislacion zgjedhor i rishikuar në kontekstin e një pandemie globale. Organizimi i suksesshëm i këtij procesi zgjedhor është një hap shumë i rëndësishëm në rrugën drejt pranimit të vendit tuaj në Bashkimin Evropian, një hap që duhet të ndiqet nga zbatimi i plotë i rekomandimeve të formuluara nga Misioni OSBE-ODIHR.
Ju mund të jeni të sigurt se Parlamenti Evropian mbështet dhe do të vazhdojë të mbështesë Shqipërinë në rrugën e saj drejt integrimit në BE.
Si Kryetar i Delegacionit të Parlamentit Evropian në Komitetin Parlamentar të Stabilizim-Asociimit BE-Shqipëri, unë pres që të vazhdojmë bashkëpunimin tonë të ngushtë dhe të frytshëm me Parlamentin e sapo zgjedhur. Sinqerisht e juaja, Manolis Kefalogiannis
(R.g/faxweb.al)
Për t’ju bashkuar faqes sone në Facebook, klikoni like
loading…
/faxweb