Të shtunën që lamë pas, emisioni “Shqiptarët për Shqiptarët” përcolli historinë e Elisianos, vogëlushit 5 vjeçar që vuante nga sëmundja e rëndë e leuçemisë.
Shpresat e prindërve të Eljos ishin shuar. Shuma për ta dërguar të birin drejt një spitali jashtë shtetit i tejkalonte mundësitë e tyre financiare.
Por shqiptarët nuk e lanë vetëm Eljon e vogël. Brenda një kohe rekord dhe me kontributet e qindra shqiptarëve zemërmirë, shuma e nevojshme për trajtimin mjekësor të Elisianos u arrit.
Lajmin e ka përcjellë Elvis Naçi në rrjetin social, ku dhe ka njoftuar se 5 vjeçari është nisur drejt Italisë.
“Fale Zotit dhe dhurimeve te Shqiptareve te mrekullueshem Elisjano djali i vogel me Leuçemi niset per tu sheruar ne Itali! Zoti e sherofte e na shperblefte dhe begatofte Familjarishte te gjitheve. Amin.”-shkruan Elvisi në rrjetin social, teksa përcjell këto foto të Eljos.
