Janë arrestuar 5 persona nga policia e Dibrës, teksa janë kapur në flagrancë duke bërë ndërtime pa leje, për realizimin e të cilave kishin puënsuar disa persona të tjerë duke mos i regjistruar si të punësuar në organet përkatëse.
Përkatësisht janë arrestuar shtetasit me iniciale U. H., V. S., H. K., F. M., V. T., të gjithë banues në Dibër.
Njoftimi i plotë
Vijon puna për parandalimin, evidentimin dhe goditjen e krimeve mjedisore.
Goditen nga Policia, 5 raste të ndërtimeve të paligjshme.
Shërbimet e Komisariatit të Policisë Dibër, në vijim të zbatimit të planit të masave për parandalimin, evidentimin dhe goditjen e krimeve mjedisore, si rezultat i kontrollit të pandërprerë të territorit, kanë evidentuar dhe goditur 5 raste dhe si rezultat janë proceduar penalisht shtetasit:
U. H., V. S., H. K., F. M., V. T., të gjithë banues në Dibër, pasi janë konstatuar nga shërbimet e Policisë duke ndërtuar objekte pa leje si dhe kishin punësuar punëtorë pa i regjistruar në organet përkatëse.
Policia e Dibrës do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit.
loading…
/faxweb